“Ўзбекнефтгаз”га янги раҳбар тайинланди. Алишер Султонов ишдан олинди

514

Эндиликда, Ўзбекистоннинг Россиядаги элчиси Баҳром Ашрафхонов «Ўзбекнефтгаз» АЖ бошқаруви раиси лавозимини эгаллаган.

Ашрафхонов 2016 йилнинг февралидан буён Ўзбекистоннинг Россиядаги элчиси сифатида фаолият кўрсатиб келаётганди.

Баҳром Баҳодирович Ашрафхонов 1969 йилда Тошкент шаҳрида туғилган. У 1993 йили Тошкент давлат иқтисодиёт университетини тамомлаган. У Молия вазирлигида турли лавозимларда ишлаган, жумладан, 2005-2007 йилларда Молия вазирининг биринчи ўринбосари бўлган, 2007 йилдан 2016 йилгача, Акмал Камалов ўрнига Ўзбекистоннинг Россиядаги элчиси сифатида тайинлангунига қадар Молия вазирлиги Ғазначилиги бошлиғи лавозимида фаолият кўрсатганди.

Эслатиб ўтамиз, Алишер Султонов шу йилнинг 20 августида автофалокатга учраб, шифохонага ётқизилганди.

Аввалига унинг аҳволи яхши экани ва тез орада ишга қайтиши ҳақида айтилди, кейинроқ унинг жароҳати Алишер Султоновнинг чап сон суяги чиққани, чаноқ косачасида ёпиқ синиш, кўкрак қафасининг 7-10 қовурғалари ёпиқ сингани, бош тепа соҳаси лат егани маълум бўлди.

Алишер Султонов Ўзбекистон Республикаси бош вазирининг ўринбосари ҳам ҳисобланади. Айни вақтда у бу лавозимни сақлаб қолгани айтилмоқда.

Фикр-мулоҳаза қолдириш

Изоҳ қолдириш

Please enter your comment!
Please enter your name here

17 + one =