Давлат хавфсизлик хизмати собиқ раиси Ихтиёр Абдуллаев ва унинг 1-ўринбосарига жиноят иши очилган

Ўзбекистон Бош прокуратураси Давлат хавфсизлик хизмати (ДХХ)нинг собиқ раиси Ихтиёр Абдуллаевга нисбатан жиноят иши қўзғатилганини расман тасдиқлади.

Бу ҳақда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида прокуратура органларининг 2019 йилнинг ўтган беш ойи давомидаги фаолияти натижаларига бағишланган матбуот конференциясида маълум қилинди.

Бош Прокуратура расман, жиноят иши бўйича ДХХнинг собиқ 1-ўринбосари Жаҳонгир Эгамов, Ўзбекистон Олий суди раиси ўринбосари Баҳодир Деҳқонов ва бошқалар — жами 10 га яқин собиқ мулозимларга нисбатан жиноят иши очилган тергов давом этаётганлигини таслиқлади.