Тошкентда бедарак йўқолган шахснинг жасади орадан тўрт кун ўтиб каналдан топилди

Эркак 1 август куни бедарак йўқолган шахс сифатида қидирувга берилган Шайхонтоҳур туманида истиқомат қилган 27 ёшли фуқаро бўлиб чиққан.

5 август куни 102 рақамига 31 ёшли Б. Р.дан Чилонзор тумани ҳудудидан оқиб ўтувчи “Бўрижар” каналида эркак кишининг танасини кўрганлиги ҳақида хабар келиб тушган. Бу ҳақда Тошкент шаҳар ИИББ хабар бермоқда.

ФВВ қутқарувчилари танани сувдан чиқариб олишган ва кейинчалик у 1 август куни бедарак йўқолган шахс сифатида қидирувга берилган Шайхонтоҳур туманида истиқомат қилган 27 ёшли М. А. эканлиги аниқланган.

Ҳозирда терговга қадар текширув ишлари олиб борилаётгани хабар берилмоқда.